abbbbb

የዓውደ አመት ገበያው አልደራም

(ሙሉ ገ.)

ጠቦት በግ ከስድስት መቶ ጀምሮ፣ የበግ ሙክት እስከ አንድ ሺህ ሰባት መቶ ብር እየተሸጠ ነው

በዘንድሮው የኢትዮጵያ የገና በዓል ገበያ በኑሮ ውድነት፣ የብር የመግዛት አቅም መዳከምና በዋጋ ግሽበት ሳቢያ ከገዢው ይልቅ ጠያቂው መበራከቱን ነጋዴዎች አስታወቁ።

“ከነጋ ብዙ ሰው መጥቶ እስኪታክተኝ ድረስ በጎቼን እያገላበጠ ተመልክቶ ዋጋ ጠይቆኛል” መርካቶ አባኮራን ሰፈር  ያነጋገርናቸው አቶ ገዝሙ ይሁነኝ የተባሉ የበግ ነጋዴ ። “በዚህ ታላቅ በዓል ዋዜማ ማልጄ ወጥቼ የሸጥኩት ሦስት በጎችና አንድ ወጠጤ ፍየል ብቻ ነው” ብለዋል፡፡

የበዓል ገበያው ቢዳከምም የበግ ዋጋ አሁንም  እንደተሰቀለ ነው።  አንድ አነስተኛ በግ (ጠቦት) ከስድስት መቶ (600) ጀምሮ የሚገኝ ሲሆን ደንበኛ የበግ ሙክት እስከ አንድ ሺህ ሰባት መቶ ብር (1700) እንዲያወጡ ገበያው  ያዛል። በአንፃሩ የፍየል ጠቦት ከሰባት መቶ ብር (700) ጀምሮ ገበያው ላይ የሚገኝ ሲሆን ለቁርጥ የሚሆን ደንበኛ የፍየል ሙክት ግን እስከ ሁለት ሺህ ብር (2000) እየተሸጠ ነው።

አቶ ገዝሙ በ2002 ለፋሲካ በዓል ከጨቅላነት ከፍ  ያሉ እጅግ አነስተኛ በጎችን ከሦስት መቶ አምሣ ብር (350) እስከ አምስት መቶ ብር (500) መሸጣቸውን  ያስታውሳሉ። “እኔ ነኝ ያለ ሙክት በግ እስከ ዘጠኝ መቶ ብር (900) በወቅቱ ተሸጦ ነበር” ብለዋል፡፡

በመርካቶ ቅቤ በረንዳ አንድ ኪሎ ለጋ ቅቤ እንደ አይነቱ ከ95 ብር እስከ 120 ብር፣ በሳል ቅቤ ደግሞ እስከ 90 ብር የሚሸጥ ሲሆን ሪፖርተራችን ያናገራቸው ነጋዴዎች ለገበያው መድረቅ የኑሮ ውድነቱን ምክንያት  ያደርጋሉ። ከፋሲካ በዓል ጋር ሲነጻጸር እንኳን የዋጋ ንረቱ በግልጽ ይታያል። ለፋሲካ አንድ ኪሎ የሸኖ ቂቤ 70 ብር መሸጡን  ያስታውሳሉ የቅቤ በረንዳ ነጋዴዎች።

በመርካቶ ዶሮ ተራ ባደረግነው የገበያ ዳሰሳ ደግሞ የአበሻ አውራ ዶሮዎች እንደ ክብደታቸው ከስልሳ ብር (60) እስከ መቶ ብር (100) በመሸጥ ላይ ሲገኙ፤ አንድ ትሪ የአበሻ ዶሮ እንቁላል አርባ አምስት ብር (45)፣ በችርቻሮ ደግሞ አንድ እንቁላል ከአንድ ብር ከሃምሳ ሣንቲም እስከ አንድ ብር ከሰባ አምስት ሣንቲም (1.50 – 1.75) በመሸጥ ላይ ይገኛል።  ከዶሮ ወጥ ጋር የማይነጣጠሉት የአበሻ ቀይ ሽንኩርት እና “አይቤ” ደግሞ በኪሎ እስከ አሥራ አራት ብር (14) እና በጆግ ሥፍር ከ ሃያ አምስት እስከ ሰላሳ ብር (25 – 30) በመሸጥ ላይ ይገኛል፡፡

በመርካቶ አማኑኤል በረንዳ የጤፍና የጥራጥሬ ገበያ ማዕከልን ሪፖርተራችን ተዘዋውሮ የቃኘው ሲሆን አንድ ኩንታል የአድአ ማኛ ጤፍ እስከ አንድ ሺህ ብር (1000) ፣ ነጭ ጤፍ በኩንታል እስከ ዘጠኝ መቶ አምሳ ብር (950) በመሸጥ ላይ ይገኛል፡፡

Twitter Digg Delicious Stumbleupon Technorati Facebook Email